அண்ணாத்த…….
விசுவாசம் வெற்றிக்குப் பிறகு அஜித்தின் ஆஸ்தான இயக்குனரான சிறுத்தை சிவா அவர்களது இயக்கத்தில் அண்ணாத்த என்னும் படத்தில் நடித்து வருகிறார் ரஜினி. ஊரடங்கு காரணமாக இந்த படத்தின் படப்பிடிப்பு நிறுத்தி வைக்கப்பட்டுள்ளது.
தற்போது எல்லோரும் போல் வீட்டில் இருந்தபடியே இருக்கும் சூப்பர் ஸ்டார், அவ்வப்போது சமுதாயத்தில் நடக்கும் கொடுமைகளை கண்டு தனது அபிப்பிராயங்களை தெரிவித்து வருகிறார்.
இந்த நிலையில் சில நாட்களாக அண்ணாத்த படம் Drop எனும் செய்திகள் வெளிவந்த வண்ணம் உள்ளன. ஊரடங்கு காரணமாக 50 சதவீதம் படப்பிடிப்பு முடிந்த அண்ணாத்த படத்திலிருந்து, “இனி நான் நடிக்க மாட்டேன் ,
இந்தாங்க உங்க அட்வான்ஸ் ஆள விடுங்க” என்று ரஜினி இந்தப் படத்தில் இருந்து விலகிவிட்டார் என பல செய்திகள் வந்த வண்ணம் இருக்கின்றது. ஆனால் உண்மை என்ன என்று விசாரித்தால், “கண்டிப்பாக இந்த படம் மீண்டும் தொடங்கும். அது எப்படி 50% முடிந்த படத்தை அப்படியே கையை விட்டு ஓடிவிடுவார்கள்.
அப்படியெல்லாம் பண்ண முடியாது, கண்டிப்பாக அண்ணாத்த திரைப்படம் தமிழ் புத்தாண்டில் திரைக்கு வரும். படம் வெற்றியடைய போவது 100% உறுதி “. என்று படக்குழு தெரிவித்துள்ளார்கள்.
இந்த நிலையில் ’அண்ணாத்த’ படம் குறித்த கதை கோலிவுட்டில் வலம் வந்து கொண்டிருக்கின்றது. ரஜினிக்கு குஷ்பு, மீனா என இரண்டு முறைப்பெண்கள் என்றும், இருவரும் ரஜினியை திருமணம் செய்ய விரும்புவதாகவும், ஒருவரை திருமணம் செய்தால் இன்னொருவர் மனம் நோகும் என்பதால் இருவரையும் திருமணம் செய்யாமல் வேறொரு பெண்ணை ரஜினி திருமணம் செய்வதாகவும், அந்த தம்பதிக்கு பிறந்தவர் தான் கீர்த்தி சுரேஷ் என்பதுதான் முதல் பாதி கதையாம். இரண்டாம் பாதியில் குஷ்பு, மீனா இருவரும் கீர்த்தி சுரேஷை மருமகளாக்க போட்டி போடுவதாகவும் இந்த போட்டியில் யார் வென்றார்கள் என்பதுதான் இந்த படத்தின் மீதிக்கதை என்றும் கூறப்படுகிறது.
