வளத்த கெடா இப்படி மார்பில் மோதுதே.. சிவகார்த்திகேயன் மீது கொலவெறியில் தனுஷ்!!

தனுஷ் – சிவகார்த்திகேயன்…!

நடிகர் தனுஷ் தயாரிப்பில் ஹீரோவாக தமிழ் சினிமாவில் காலடி எடுத்து வைத்தவர் தான் சிவகார்த்திகேயன். தொடர்ந்து அவருடைய தயாரிப்பிலேயே நடித்து வந்த சிவகார்த்திகேயன், ஒரு கட்டத்தில் தன்னுடைய மவுசு தெரிந்து கொண்டு வெளி தயாரிப்புகளில் நடிக்க வந்துவிட்டார்.

இதனால் இருவருக்கும் சின்ன உரசல் ஏற்பட்டு விட்டதாக மீடியாக்கள் பரப்பிவிட்டனர். அவர்களும் அதற்கு தகுந்த மாதிரி மீண்டும் இணையவில்லை. அதற்குமுன் நட்பாக இருந்தவர்கள் பிறகு பார்த்துக் கொள்வதே அரிதாகிவிட்டது.

பத்தாததுக்கு சிவகார்த்திகேயன் மேடை போட்டு மறைமுகமாக தனுசை தாக்கியது அனைவரும் அறிந்ததே. இந்நிலையில் இந்த வாரம் சிவகார்த்திகேயன் நடிப்பில் ஹீரோ படம் வெளியாக உள்ளது. இந்த படத்திற்கான பிரமோஷன் வேலைகளில் தயாரிப்பு நிறுவனம் சிவகார்த்திகேயனை அடுத்த கட்டத்திற்கு கொண்டு சென்றுள்ளது.

சத்யம் சினிமாவில் பெரிய பேனர், ரயில் பெட்டிகளில் விளம்பரம் என சிவகார்த்திகேயனை முன்னணி ஹீரோ ரேஞ்சுக்கு வியாபாரம் செய்து வருகின்றனர். அதேபோல் தனுஷ் நடித்த பட்டாஸ் படமும் விரைவில் திரைக்கு வர உள்ளது.

இந்த படத்திற்கான பிரமோஷன் வேலைகள் படு பயங்கரமாக சென்று கொண்டிருக்கிறது. இந்நிலையில் ஹீரோ படத்தின் வாட்ஸ்அப் ஸ்டிகர் அறிமுகமாகும் என கே.ஜே.ஆர். ஸ்டுடியோஸ் நிறுவனம் அறிவித்துள்ளது.

அதற்கு போட்டியாக சத்யஜோதி நிறுவனம் சமீபத்தில் வெளியான சில் ப்ரோ பாடலின் ஒரு குறிப்பிட்ட நடனத்தை டிக்டாக் செய்து வெளியிடுமாறு #ChillBroChallenge அறிவித்துள்ளது.
இதனால் இருவருக்கும் பனிப்போர் நடந்து வருவது தெள்ளத் தெளிவாக தெரிந்துள்ளது என்கிறது கோலிவுட் வட்டாரம்.