அனிகா….!

என்னை அறிந்தால் திரைப்படத்தில் தல அஜித்துடன் மகளாக நடித்தவர் அனிதா. மலையாள மண்ணிலிருந்து வந்த அந்தப் பெண்ணை இந்த படத்திற்கு பிறகு அனைவரும் தங்கள் வீட்டுக் குழந்தையைப்போல் ஏற்றுக்கொண்டனர்.

மீண்டும் கடந்த ஆண்டு தல அஜித் நடிப்பில் வெளியான விஸ்வாசம் திரைப்படத்திலும் தல அஜித்தின் மகளாக நடித்தார். அப்பொழுது பார்ப்பதற்கு சிறு பெண்ணை போலவே தெரிந்தார்.

இந்த இரண்டு படங்களுக்கும் கிட்டதட்ட 4 வருட இடைவெளி தான் உள்ளது. ஆனால் அதற்குள் தான் பெரிய பெண் ஆகி விட்டதாக நினைத்துக் கொண்ட அனிகா, சமூக வலைதளங்களில் அப்போது வயதுக்கு மீறிய கவர்ச்சி புகைப்படங்களை வெளியிட்டு வந்துள்ளார்.

இதனைக் கண்ட ரசிகர்கள் குழந்தை பருவத்திலேயே இது மாதிரி கவர்ச்சி புகைப்படங்களை வெளியிடுவது தவறு என்றும், மீண்டும் இது போன்ற காரியங்களில் ஈடு படாதீர்கள் எனவும் அறிவுரை செய்து வருகின்றனர்.

இதனால் தல அஜித் அவர்களுடன் நடித்ததால் தன்னை இன்னும் குழந்தை போலவே நினைத்துக் கொண்டிருக்கிறார்கள் என தன்னை சார்ந்தவர்களிடம் புலம்பிக் கொண்டிருக்கிறாராம்.

கோலிவுட்டில் உருவாகி இருக்கும் `டக்கர்’ படத்தில் சித்தார்த் கதாநாயகனாக நடிக்க, திவ்யான்ஷா கவுசிக் கதாநாயகியாக நடித்து இருக்கிறார்.இவர், `மஜிலி’ என்ற தெலுங்கு படத்தில் நடித்து பிரபலமானவர்.

படத்தை பற்றி டைரக்டர் கார்த்தி ஜி.கிருஷ் கூறியதாவது, அகங்காரமும், கோபமும் கொண்ட 2 கதாபாத்திரங்கள், ஒருவரையொருவர் எதிர்கொள்ளும்போது, அவர்கள் வாழ்க்கையில் என்னென்ன மாற்றங்கள் ஏற்படுகின்றன? என்பதை கருவாக கொண்ட படம் தான் டக்கர்.

அடிதடி படங்களில் நடித்த சித்தார்த்துக்கு இது முற்றிலும் மாறுபட்ட படமாக இருக்கும்.

அவருடன் யோகி பாபு, முனீஷ்காந்த், ஆர்.ஜே.விக்னேஷ் ஆகிய மூன்று பேரும் முக்கிய வேடங்களில் நடித்துள்ளனர். சுதன், ஜெயராம் ஆகிய இருவரும் இணைந்து தயாரித்து இருக்கிறார்கள்.”

ரஜினிகாந்த்….

சில வாரங்களுக்கு முன்பு பிரணவ் என்ற மாற்றுத்திறனாளி கேரள முதலமைச்சர் பினராயி விஜயன் உடன் சந்தித்து எடுத்துக்கொண்ட புகைப்படங்கள் அப்போது வைரலானது.

ரஜினியை சந்திப்பது தன் வாழ்நாள் கணவு என கூறியிருந்தார் அவர்.இந்நிலையில் தற்போது அந்த ஆசையை ரஜினி நிறைவேற்றியுள்ளார். அவர் நடிகர் சூப்பர்ஸ்டார் ரஜினியை சந்தித்து பேசியுள்ளார்.

அப்போது எடுத்த புகைப்படங்கள் தற்போது வெளியாகியுள்ளது.ரஜினிக்கு ஓவியம் ஒன்றையும் பரிசாக கொடுத்துள்ளார் பிரணவ்.

விஷாலுக்கு வில்லன்….!

நடிகர் விஷால் அடுத்து ஆனந்த் ஷங்கர் இயக்கத்தில் ஒரு படத்தில் நடிக்கிறார். இருமுகன், நோட்டா போன்ற படங்களை இயக்கியவர் அவர்.

இந்த படத்தில் விஷாலுக்கு வில்லனாக நடிகர் ஆர்யா தான் நடிக்கவுள்ளார் என தகவல் வெளியாகியுள்ளது. அவன் இவன் படத்தில் ஒன்றாக நடித்த அவர்கள் அதன் பிறகு தற்போது மீண்டும் கூட்டணி சேர்கின்றனர்.

படத்தில் மோதவுள்ள இவர்கள் இருவரும் நிஜ வாழ்க்கையில் மிக நெருக்கமான நண்பர்கள் என்பது குறிப்பிடத்தக்கது.

சன்னி லியோன்…

பாலிவுட் நடிகையான சன்னி லியோன், அடுத்ததாக கோர் எனும் படத்தில் சூப்பர் வுமன் கதாபாத்திரத்தில் நடிக்க உள்ளார்.

ஆபாச படங்களில் நடித்து கொண்டிருந்த சன்னி லியோன் ஒரு கட்டத்தில் சினிமாவில் நடிக்க வந்து கவர்ச்சி வேடங்களில் நடித்து வருகிறார். இந்தியில் தொடங்கி தமிழ், தெலுங்கு, மலையாள படங்கள் வரை நடித்துவிட்டார். தான் நடிக்கும் படத்தின் கதைக்காக தனது கணவர் டேனியல் வெப்பருடன் கைகோர்த்தார். இருவரும் மணிக்கணக்கில் ஒன்றாக அமர்ந்து கலந்துபேசி கதையை முடிவு செய்தனர்.

படத்துக்கு கோர் என பெயரிடப்பட்ட நிலையில் அதற்கான வீடியோ ஒன்றை சன்னி வெளியிட்டிருக்கிறார். அதில், ‘கோர் இந்த கிரகத்தை சேர்ந்தவள் இல்லை. ஆனாலும் தீய சக்திகளிடமிருந்து உலகை காக்க தயாராக இருக்கிறாள்’ என தெரிவித்துள்ளார்.

கோர் கதாபாத்திரம் பற்றி சன்னி லியோன் கூறும்போது, ‘சூப்பர்வுமன் கதையை நானும் எனது கணவர் டேனியல் வெப்பரும் இணைந்து உருவாக்கி னோம். அந்த வகையில் கோர் கதாபாத்திரம் தீய சக்திகளை அழிக்க வருகிறது’ என்றார்.

மம்முட்டி

கேரள மாநிலம் பரவூர் பகுதியை சேர்ந்த மம்முட்டியின் ரசிகர் ஒருவர் பட ரிலீசுக்காக திருமண தேதியை மாற்றிய சம்பவம் அரங்கேறியுள்ளது.கேரள மாநிலம் பரவூர் பகுதியை சேர்ந்தவர் மேமன் சுரேஷ்.

இவர் நடிகர் மம்முட்டியின் தீவிர ரசிகர். மம்முட்டி படம் வெளியாகும் போதெல்லாம் முதல் நாள் முதல் ஷோ பார்ப்பது இவரது வழக்கம். மேமன் சுரேசுக்கு வருகிற 21-ந் தேதி திருமணம் செய்ய அவரது வீட்டாரால் தேதி குறிக்கப்பட்டிருந்தது.இந்நிலையில் மம்முட்டி நடிப்பில் மாமாங்கம் என்ற புதிய திரைப்படம். மேமன் சுரேசுக்கு திருமணம் நிச்சயிக்கப்பட்ட தேதியில் வெளியாக இருந்தது.

தன்னுடைய திருமண நாளிலேயே தனக்கு பிடித்த நடிகரின் திரைப்படமும் வெளியாக உள்ளது என்பதால் தனது திருமணத்தை மேமன் சுரேஷ் கடந்த மாதம் 30-ந் தேதிக்கு மாற்றி வைத்திருக்கிறார்.

மேமன் சுரேசுக்கு கடந்த மாதம் 30-ந்தேதி அவருக்கு நிச்சயம் செய்த பெண்ணுடன் நல்ல முறையில் திருமணம் நடைபெற்றது. புது மனைவியுடன் தனக்கு பிடித்த மம்முட்டியின் திரைப்படத்தை வருகிற 21-ந்தேதி முதல் நாளே பார்க்கலாம் என்று சந்தோ‌ஷமாக காத்திருக்கிறார்.