சினிமாவில் காலடி எடுத்து வைக்கும் தெய்வமகள்

தெய்வமகள் சீரியல் மூலம் செம்ம பேமஸ் ஆனவர் வானி போஜன். இவருக்கு என்று மிகப்பெரிய ரசிகர்கள் பட்டாளம் இந்த சீரியல் மூலம் வந்தது.

இந்நிலையில் வானி போஜன் தற்போது விஜய் தேவரகொண்டா தயாரிக்கும் ஒரு தெலுங்கு படத்தில் நடித்து வருவது அனைவரும் அறிந்ததே. தற்போது இவர் முதன் முறையாக தமிழ் சினிமாவில் காலடி எடுத்து வைத்துள்ளார்.

அஷோக் செல்வன், ரித்திகா சிங் நடிக்கும் ஓ மை கடவுளே படத்தில் ஒரு முக்கியமான கதாபாத்திரத்தில் வானி போஜன் நடிக்கவுள்ளாராம்.

ஏற்கனவே சீரியலில் இருந்து வெள்ளித்திரை வந்து ப்ரியா பவானி ஷங்கர் செம்ம ஹிட் அடித்தார், அவரை போலவே இவரும் ஜொலிப்பாரா பார்ப்போம்.

பிரபல நடிகை கைது

சினிமா பிரபலங்களுக்கென்ன ஜாலியான வாழ்க்கை என நினைக்கிறோம். ஆனால் அவர்களுக்கும் சொந்த வாழ்க்கையில் பிரச்சனைகள் உண்டு. சிலர் சர்ச்சைகளிலும் குற்ற சம்பவங்களிலும் சிக்குகிறார்கள்.

அந்த வகையில் தற்போது நடிகை அமீஷா படேல் செக் மோசடி குற்ற வழக்கில் சிக்கியுள்ளார். ஃபைனாசியர் அஜய் சிங் என்பவர் அமீஷா மீது ராஞ்சி நீதிமன்றத்தில் வழக்கு தொடர்ந்துள்ளார்.

இதில் அமீஷாவும் அவரின் பாட்னர் குணால் என்பவரும் படத்திற்காக 2018 ல் ரூ 2.50 கோடி பணம் என்னிடம் பெற்றனர். ஆனால் படம் வெளிவரவில்லை.

பணத்திற்காக அவர்களை தொடர்பு கொண்ட போது ரூ 3 கோடிக்கான செக் கொடுத்தனர். ஆனால் செக் பௌன்ஸ் ஆகிவிட்டது. இதற்காக தொடர்பு கொண்ட போது அவர்களை என் தொலைபேசி அழைப்பை நிராகரித்து வருகின்றனர் என கூறியுள்ளார்.

இந்நிலையில் வழக்கை விசாரித்த ராஞ்சி நீதிமன்றம் அவர்களுக்கு பிடிவாரண்ட் பிறப்பித்துள்ளது.அமீஷா புதிய கீதை படத்தில் விஜய்யுடன் நடித்திருப்பது குறிப்பிடத்தக்கது.

முன்னணி தமிழ் நடிகையின் ஆசை

நடிகை ஸ்ரீதேவி தமிழ் சினிமா தொடங்கி பாலிவுட் வரை அதிகம் பிரபலமான நடிகை. லேடி சூப்பர்ஸ்டார் என அவரை சொல்லும் அளவுக்கு அதிக படங்களில் நடித்துள்ளார் ஸ்ரீதேவி.

சென்ற வருடம் அவர் திடீரென இறந்தது ரசிகர்களுக்கு பேரதிர்ச்சியாக இருந்தது. ஹோட்டல் அறையில் குளியல் தொட்டியில் அவர் மூழ்கி இறந்து கிடந்தார்.

இந்நிலையில் ஸ்ரீதேவியின் வாழ்க்கை வரலாற்று படத்தில் நடிக்கவேண்டும் என விரும்புவதாக நடிகை தமன்னா தெரிவித்துள்ளார்.

“வாழக்கை வரலாற்று படங்களில் நடிக்க விரும்புகிறேன். குறிப்பாக நடிகை ஸ்ரீதேவியின் வாழ்கையை யாரவது படமாக்கினால், நான் அதில் இருக்கவேண்டும் ஏன் விரும்புகிறேன்” என தமன்னா தெரிவித்துள்ளார்.

மனம் திறந்த பிரபல நடிகை!

நடிகை கங்கனா ரனாவத் தனது முதல் காதல் முதல் முத்தம் குறித்து மனம் திறந்து பேசியுள்ளார். நடிகை கங்கனா ரனாவத் அவ்வபோது சர்ச்சைக்குரிய கருத்துக்களை கூறி பரபரப்பை ஏற்படுத்தி வருகிறார்.

அண்மையில் பத்திரிக்கை ஒன்றுக்கு பேட்டியளித்த அவர், குழந்தைகள் உடலுறவு கொள்வதை பெற்றோர் அனுமதிக்க வேண்டும். குழந்தைகள் உடலுறவு கொள்வதை பார்த்து பெற்றோர் மகிழ்ச்சியடைய வேண்டும், நான் பாலியல் உறவில் ஆக்டிவாக இருப்பதை பார்த்து எனது பெற்றோர் அதிர்ச்சியடைந்தனர் என்று கூறினார்.

15 வயதில் காதல் கங்கனாவின் இந்த பேச்சு பெரும் பரபரப்பை ஏற்படுத்தியது. இந்நிலையில் தனது முதல் காதல் குறித்து பேசியுள்ளார் கங்கனா ரனாவத். அதாவது நான் 15 வயதிலேயே ஆசிரியர் ஒருவரின் மீது காதல் கொண்டேன். துப்பட்டாவை வைத்து.. அப்போது நான் 9ஆம் வகுப்பு படித்துக் கொண்டிருந்தேன்.அப்போது சந்த் சுப்பா பாதல் பாடல் வெளியானது. அதனால் அந்த ஆசிரியரை மயக்க என்னுடைய துப்பட்டாவை பயன்படுத்தினேன்.

என்னுடைய முதல் ரிலேஷன்ஷிப் 17-18 வயதில் வந்தது. நான் அப்போது சண்டிகரில் இருந்தேன். என்னுடைய ஃபிரன்ட் அவளுடைய பாய் ஃபிரன்டுடன், டேட்டிங் சென்றிருந்தாள். அப்போது அவரின் நண்பரும் நானும் அவளுக்காக காத்துக்கொண்டிருந்தோம்.

அவர் பஞ்சாப்பை சேர்ந்தவர். ரொம்ப க்யூட்டாக இருப்பார். அவருக்கு 28 வயசு. எனக்கு 16- 17 வயசு இருக்கும். அவர் மீது நான் காதல் கொண்டேன். அவர் என்னை ஒரு குழந்தையை போன்று பார்த்தார். காதல் விளையாட்டுக்கு நான் புதியவள் என்பதை கண்டுபிடித்துவிட்டார். என் இதயமே நொறுங்கிவிட்டது.

நான் அவரை வெறித்தனமாக காதலித்தேன். நான் அவருக்கு மெஸேஜ் அனுப்பினேன், எனக்கு ஒரு வாய்ப்பு கொடுங்கள், நான் வளருவேன் என்று. இவ்வாறு தனது காதல் குறித்து கூறிய கங்கனா ரனாவத், தனது முதல் முத்தம் குறித்தும் பேசினார்.

முத்தம் குறித்து அவர் பேசியதாவது “என்னால் அவரை முத்தமிட முடியவில்லை, அதனால் நான் என் உள்ளங்கையில் முத்தமிடுவதைப் பயிற்சி செய்தேன். எனது முதல் முத்தம் மேஜிக் போன்று அல்ல, அது குழப்பமாக இருந்தது. என் வாய் உறைந்துவிட்டது. அப்போது அவர் உன் வாயை கொஞ்சமாவது அசை என்றார். இவ்வாறு தனது முதல் காதல் முத்தம் குறித்து மனம் திறந்து பேசினார்.

கங்கனா ரனாவத், மறைந்த தமிழக முதல்வர் ஜெயலலிதாவின் வாழ்க்கை வரலாறு படத்தில் நடிக்கவுள்ளார். இதற்கான மேக்கப் டெஸ்ட் அமெரிக்காவில் நடைபெற்றது குறிப்பிடத்தக்கது.

ஆச்சி மனோரமா

ஆச்சி என்று இன்றும் மரியாதையோடு அனைவராலும் அழைக்கப்படும் மனோரமா ஆச்சியின் இழப்பு திரையுலகையே கலங்க வைத்தது. அவரின் இழப்பு ஈடுகட்ட முடியாத ஒரு பேரிழப்பு. தேசிய விருது, பத்மஸ்ரீ விருது, டாக்டர் பட்டம் என பல விருதுகளை தனது திரையுலக வாழ்வில் பெற்றவர்.

மேலும் 1000 படங்களுக்கு மேல் திரைப்படங்களில் நடித்ததால் இவரின் பெயர் கின்னஸ் புத்தகத்திலும் இடம்பெற்றுள்ளது. அவரது நான்காவது நினைவு தினம் கொண்டாடப்படும் இந்த நேரத்தில் அவரைப்பற்றிய நினைவுகளை பகிர்ந்து கொள்கிறோம்.

மன்னார்குடியில் இருந்து வந்து மாபெரும் கலைஞராக தன்னை மெருகேற்றிக்கொண்டு, ஒட்டுமொத்த தென்னிந்திய சினிமாவையே அண்ணாந்து பார்க்க வைத்து கொண்டாடிய ஒரு ஈடில்லா பெண்மணி ஆச்சி மனோரமா. தமிழ் மட்டுமே பேச தெரிந்தாலும், தமிழ் திரைப்படங்கள் மட்டுமின்றி இந்தி, மலையாளம், தெலுங்கு, கன்னடம், சிங்களம் என ஆறு மொழி திரைப்படங்களில் நடித்தவர்.

குடும்பத்தில் ஏற்பட்ட வறுமை தான் அவர் சினிமா உலகத்திற்குள் வர காரணமாய் இருந்தது. 5 வயதிலேயே நாடக மேடை ஏறிய சிறுமி கோபி சாந்தா, தன்னால் முடிந்த அளவிற்கு குடும்பத்தின் வறுமையை போக்குவோமென்ற நல்லெண்ணத்தில் நடிக்க தொடங்கினார். கோபி சாந்தாவிற்கு மனோரமா என்று பெயர் சூட்டியவர் நாடக இயக்குனர் திருவேங்கடம்.

அப்படி தொடங்கிய மனோராவின் நாடக கலை பயணம், கவிஞர் கண்ணதாசன் மூலம் சினிமா துறையில் 1958ஆம் ஆண்டில் மாலையிட்ட மங்கை திரைப்படம் மூலம் தொடங்கப்பட்டது. அறிமுகமான முதல் படத்திலேயே நகைச்சுவையில் கலக்கியவர் மனோரமா.

கோபி சாந்தா, மனோரமாவாக உருமாறி சுமார் 55 ஆண்டுகளாக யாராலும் நெருங்கக் கூட முடியாத அளவிற்கு சினிமாவையே உயிர் மூச்சாக சுவாசித்து இறக்கும் தருவாய் வரையிலும், நடிகையாகவே வாழ்ந்து புகழின் உச்சியில் இருந்தவர். அறிஞர் அண்ணாதுரை மற்றும் கலைஞர் கருணாநிதியோடு நாடகங்களில் நடித்துள்ளார்.

மேலும் தமிழக முன்னாள் முதல்வர்கள் எம்.ஜி.ஆர், ஜெயலலிதா மற்றும் ஆந்திர முன்னாள் முதல்வர் என்.டி.ராமாராவ் உடன் தெலுங்கு படங்களிலும் நடித்துள்ளார். இப்படி ஐந்து முதல்வர்களோடு இணைந்து நடித்த பெருமை மனோரமாவை சேரும். ஆயிரத்திற்கும் மேற்பட்ட நாடகங்களிலும் நடித்துள்ளார் ஆச்சி மனோரமா.

இவர் நாடகக் கலைஞர்களையும், சினிமா கலைஞர்களையும் எந்த வேறுபாடுமின்றி ஒரே மாதிரி தான் பாவிப்பார். நகைச்சுவை நடிகர் நாகேஷ் உடன் இணைந்து இவர் நடித்த பல நகைச்சுவை காட்சிகள் இன்றும் நம் உள்ளங்களில் பசுமையாய் பூத்து குலுங்குகிறது. நகைச்சுவை மட்டுமின்றி குணச்சித்திர வேடங்களிலும் சிறப்பாக யதார்த்தமாக நடித்தவர்.

தில்லானா மோகனாம்பாள் திரைப்படத்தில் இவர் ஏற்று நடித்த ஜில் ஜில் ரமாமணி கதாபாத்திரம் இன்றும் நம் காதுகளில் ஒலித்து கொண்டே இருக்கிறது. சின்னத்தம்பி, சின்ன கவுண்டர் என பல திரைப்படங்களில் அவரது நடிப்பு நம்மை நெகிழ வைத்துள்ளது. மனைவி, அம்மா, மாமியார், பாட்டி என இவர் ஏற்று நடிக்காத கதாபாத்திரங்களே கிடையாது.

கவுண்டமணி, செந்தில், கோவை சரளா, வடிவேலு, விவேக் என அனைத்து நகைச்சுவை நடிகர்களோடும் இணைந்து நடிக்கும் போதும் அவர்களது காம்பினேஷன் பிரமாதமாக இருக்கும். இவருடன் நடிக்காத கதாநாயகர்களே இல்லை. தனது தனிப்பட்ட வாழ்வில் பல ஏமாற்றம், நம்பிக்கை துரோகம் என பல இன்னல்களை சந்தித்தாலும் அவருடன் நடித்த ஒவ்வொரு கலைஞர்களையும் அவரது சொந்த உறவுகளாகவே எண்ணியவர்.

நடிப்பு மட்டுமின்றி பல திரைப்படங்களில் 100க்கும் மேற்பட்ட பாடல்களும் பாடியுள்ளார். டில்லிக்கு ராஜனாலும் பாட்டி சொல்ல தட்டாதே என இவர் பாடிய பாடல் மிகவும் பிரபலம். நாடகங்களில் உடன் நடித்த எஸ்.எம்.ராமநாதன் என்பவரை பெற்றோர்களை எதிர்த்து திருமணம் செய்து கொண்டார்.

ஆனால் இருவருக்கும் இடையில் ஏற்பட்ட கருத்து வேறுபாடு காரணமாக, அவரது கணவர் இவரை விட்டு விலகி மறுமணம் செய்து கொண்டார். இவருக்கு பூபதி என்ற ஒரு மகன் இருக்கிறார். தேசிய விருது, பத்மஸ்ரீ விருது, டாக்டர் பட்டம் என பல விருதுகளை தனது திரையுலக வாழ்வில் பெற்றவர். மேலும் 1000 படங்களுக்கு மேல் திரைப்படங்களில் நடித்ததால் இவரின் பெயர் கின்னஸ் புத்தகத்திலும் இடம்பெற்றுள்ளது.

இத்தனை திரைப்படங்களில் நடித்திருந்தாலும் நாடங்களில் நடிப்பதை மிகவும் பெருமையாக கருதும் ஒரு மகா கலைஞர். நடிகர் திலகம் சிவாஜி கணேசனும் ஆச்சி மனோரமாவும் அண்ணன் தங்கையாகவே வாழ்ந்தார்கள்.

ஆச்சி என்று இன்றும் மரியாதையோடு அனைவராலும் அழைக்கப்படும் மனோரமா ஆச்சியின் இழப்பு திரையுலகையே கலங்க வைத்தது. அவரின் இழப்பு ஈடுகட்ட முடியாத ஒரு பேரிழப்பு. அவர் நம் மத்தியில் இல்லையே தவிர, அவரின் ஆசிகளும், அன்பும், திறமையும், நடிப்பும் நம்மோடு என்றும் பின்னிப்பிணைந்து தான் இருக்கும்.